Patay ang walo (8) ka mga indibidwal samtang pilason ang isa ka bata matapos magguba ang isa ka balay sa Kabul, Afghanistan, sang magluntad ang mabaskog nga pagtay-og sang Biyernes, suno sa National Disaster Management Authority.
Nag-igo ang linog nga may magnitude 5.9 sa rehiyon sang Hindu Kush, nga may kadalumon nga 177 kilometro, base sa German Research Centre for Geosciences.
Nabatyagan man ang mabaskog nga pagtay-og sa madamo nga lugar, lakip na ang Islamabad sa Pakistan, kag sa Kabul kag New Delhi sa India.
Kilala ang Afghanistan sa iya pagka-bulnarable sa mga kalamidad bangud sa ginapalibutan sang bukid nga topograpiya, kag ang mga pagtay-og amo ang isa sa mga pinakadelikado nga kalamidad nga nga ginaatubang sang pungsod.
Ginabulubanta nga nagdangat sa 560 ka indibidwal ang nagakalamatay kada tuig bangud sa mga pagtay-og sa Afghanistan.
Sang Nobyembre 2025, nag-igo ang isa ka mas mabaskog nga pagtay–og nga may magnitude 6.3, nga nagresulta sa madamo nga numero sang pilason, lakip ang 27 nga napatay kag naguba nga mga kabalayan.
