Nagsaka na sa walo ang numero sang mga napatay sa Mindanao bangud sa malain nga lakat sang panahon dala sang bagyo Carina kag Butchoy kag Habagat, suno sa National Disaster Risk Reduction and Management Council (NDRRMC).
Basi sa datos, apat sa napatay ang nagikan sa Zamboanga, duha sa Bangsamoro Autonomous Region in Muslim Mindanao (BARMM) kag tig-isa sa Northern Mindanao kag Davao.
Naglab-ot naman sa 866,483 ang naapektuhan sang malain nga lakat sang panahon sa MIMAROPA, Western Visayas, Central Luzon, Zamboanga, Northern Mindanao, Davao, Soccsksargen, Caraga, kag Bangsamoro.
69 naman ka mga panimalay ang totally kag 167 ang partially damaged.
Nagsaka man sa P8,745,923 ang kahalitan sa infrastruktura.
Sa karun nakahatag na sang pauna nga bulig ang nagkalain-lain nga ahensya sang gobyerno sa mga apektado sang kalamidad.
