-- ADVERTISEMENT --

KORONADAL CITY- Nag-alokar ang Provincial Anti-Drug Abuse Council sang kapin P8 million para sa pila ka mga aktibidadis bilang pagsuporta sa pakigbato sa pagdata sang iligal nga droga sa South Cotabato.
Suno kay PADAC Permanent Representative Boardmember Agustin Dema-ala , sa ginpatigayon nga joint Municipal and Provincial ADAC meeting sa probinsya, ang P2 million ang magahalin Office of the Governor bilang Chairperson sang Council samtang ang P6 million ang magahalin sa Peace and Order Council fund.
Ginpahayag man ni Agustin nga dugang pa nga P6 million ang natalana para sa Supplemental Budget funds.
Base sa ginproponer nga programa kag proyekto, ang mga pondo ang paga-usaron sa magasunod nag expenditures:
* Kapin P1.52 million ang intended sa Enforcement Cluster nga paga-usaron sang mga personnel sang South Cotabato Police Provincial Office kag sa Philippine Drug Enforcement Agency.
* Ang SCPPO naman ang ginhatagan sang initial allocation nga P1.4 million.
Kun sa diin, halin sa mga nasambit nga pondo, P1million ang pagausaron sa cash reward and mobilization kag ang P400,000 ang para sa Barangay Information Network.
Para sa PDEA, kabug-usan nga P125,000 para sa quarterly intelligence workshop kag case conference sa tunga sang law enforcement agencies kag Department of Justice.
Dugang nga P2million ang paga-usaron bilang show money para sa 2 ka ahensya gikan sa 2017 budget.