KORONADAL CITY – Natalana nga pasakaan sang kaso subong nga adlaw ang 8 ka mga drug suspect matapos na maarestar sa ginpatigayon nga asod-asod nga drug operation sang mga otoridad sa probinsiya sang South Cotabato kag Sultan kudarat.
Una nga naarestar sa nasambit nga drug buy bust sanday Levy Salaan Pito, 41; Dario Simbahon Butong, 32; Ronnie Degala Carigaba, 50 nga lunsay mga residente sang banwa sang Banga, South Cotabato kag Oliver Perocha Capasillo, 42 nga taga Barangay Sinolon, Tboli, South Cotabato.
Ginsundan ini sang 3 pa ka mga drug suspet sa siyudad sang Koronadal makaligad nga ginsalakay sang mga operatiba ang isa ka drug den kun diin nadakpan kanday Garry Jaspe Delmo nga yara sa drug watchlist, 35, An-An Montejo Lemari, 36 kag Cyrle Jhon Collado Magan, 28 nga residente sang Brgy. Poblacion, Sto. Niño.
Samtang, arestado man sa gintingob nga pwersa sang PDEA-12 kag Sultan Kudarat PNP ang isa ka anay barangay kagawad nga kilala nga notorsyos nga nagaduso sang droga.
Ginkilala ang suspek nga si Larry Mulana, 38 kag residente sang Kalye Apeke, Poblacion, Palimbang, Sultan Kudarat.
Base sa impormasyon sang PDEA 12 si Maulana, ang two termer Barangay Kagawad, kag ika 3 sa mga yara sa listahan sang drug personality sa probinsya sang Sultan Kudarat kag isasa mga hugot nga ginabantayan sang mga otoridad nga ginakabig high value target.
Nakumpiskar naman sa mga ini ang ginapatihan nga shabu, armas luthang kag nagkalain-lain nga bala lakip na ang mga drug paraphernalia.
