8 ka puluy-an nasunog sa Cotabato City

KORONADAL CITY– Nagapadayon sa karon ang imbestigasyon sang Bureau of Fire Protection ukon BFP-Cotabato City sa natabo nga sunog sa Datu Udtog Matalam Street, Barangay Rosary Heights 10, sa nasabmbit nga syudad.

Base sa impormasyon nga ginpalab-ot sang Cotabato City BFP sa Bombo Radyo Koronadal , madasig nga ginkaon sang kalayo ang mga puluy-an nga usar sa light materials kun sa diin naulamid man ang iban pa nga panimalay.

Naglab-ot suno pa sa masobra 1 ka oras bag-o tigayon nga matapna ang sunog.

Temporaryo naman nga nagatinir sa ila nga mga himata ang mga nasunugan nga pamilya.

Sa karon, padayon pa nga ginahibalo ang gintunaan sang sunog kag ang danyos nga ginbilin sini.