KORONADAL CITY– Napasakaan na sang kaso nga pagbayular sa RA 8353 kag rape through sexual assault ang 22 anyos nga lalaki gikan sa banwa sang Banga South Cotabato matapos ginlugos ang 8 ka tuig nga bata nga lalaki.
Sa ekslusibo nga interbyu sang Bombo Radyo Koronadal kay Police Chief Inspector Jardi Mont Sibal hepe sang Banga PNP, ginkilala ang suspek kay OGIE PACARDO aka MOLMOL, 22 anyos kag residente sang nasambit nga banwa.
Nahibaluan nga nagluntad ang krimen sa puluy-an sang tiyu sang biktima samtang may ginapatigayon nga okasyon kun sa diin nag-inum ang mga ini kag nahubog suno pa ang suspek.
Suno sa panalaysayon sang biktima nagsulod sa puluy-an si molmol habang masako ang mga tawo sa okasyon kun sa diin gin ubahan siya sang suspek kag gilayon nga nangin madinalag-on sa pagpanglugos.
Tuman naman ang kaakig sang pamilya kun sa diin natrauma ang biktima matapos ang panghitabo.
Sa subong nakapreso na sa lock-up cell sang Banga PNP ang suspek kag napasakaan na sang kaso.
