74 anyos ang babaye nga gindeklarar nga patay, nasapwan nga buhi sa punerarya

Matapos ang pila ka oras sang gindeklara nga patay na ang isa ka babaye, nakita ini nga buhi sa isa ka punerarya sang Martes, June 4.

Base sa report sang New York Times, las 9:44 sang aga sang gindeklara nga patay ang 74 anyos nga si Constance Glantz sa Waverly nursing home.

Gindala naman ang bangkay sini sa Butherus-Maser & Love Funeral Home sa Lincoln para sa embalsamasyon.

Apang makaligad ang duha ka oras, nadiskubrehan nga nagaginhawa pa si Constance gani nagtawag sang bulig sa 911.

Gin-CPR naman ang pasyente kag gindala sa ospital, sa diin dalayon na ini nga ginbawian sang kabuhi, mga las 4:00 sang hapon.

Wala na ginphayag ang rason sang kamatayon sang pasyente nga natalana nga ipaidalum sa autopsy.