Arestado ang isa ka 72-anyos nga Lolo sa banwa sang Kalamansig, Sultan Kudart nga wanted sa kaso nga 2 counts rape kag Acts of Lasciviousness.
Ginkilala sang Kalamansig Municipal Police Station ang suspek nga si alyas “Lolo Bienvenido” nga residente sang Barangay Nalilidan, Kalamansig, Sultan Kudarat.
Ginpatigayon ang pag-aresto kay Lolo Bienvenido sa Barangay Poblacion, Kalamansig, Sultan Kudarat sandig sa warrant of arrest nga ginpaguwa ni Hon. Vicente T Peña, Acting Presiding Judge sang 12th Judicial Region, Branch 19, Isulan, Sultan Kudarat.
Kaangot sini, nagapabilin ang supek sa kustodiya sang mga otoridad kag wala sang may ginrekomendar nga piyansa ang korte.
Liwat man nga nagpahanumdom ang Kalamansig PNP nga padayon ang ila pagpatigayon sang operasyon batuk sa mga tawo nga may salabton sa layi agud mapabilin nga luwas, malinong kag matawhay ang komunidad.
