KORONADAL CITY- 70% ukon 7 sa kada 10 ka mga partylist groups ang ginabulubanta nga ginapanag-iyahan ukon kontrolado sang mga manggaranon sa diin wala naga tindog para sa mga marginalized sector nga dapat tagaan sang prayoridad.
Ini ang ginpahayag ni Professor Danilo Arao, Convernor sang election watchdog nga Kontra Daya sa interview sang Bombo Radyo Koronadal.
Suno sa iya,ang partylist kuntani ang may tinutuyo nga mag representar sang mga pigado nga sector sang pungsod apang daw kulukasubong nga balik-awot ini bangud sa presensya sang mga manggaranon nga mga persona kag mga maimpluwensta nga mga sector.
Gindugang pa sini, 124 naman sa 177 ka mga partylist ang na flagged sang ila nga grupo bangud natukiban ini sang “Kontra Daya” nga ginadumala sang political clans kag big businesses, incumbent local officials may koneksyon sa gobyerno kag militar,unknown or unclear advocacies and representations kag may record nga may pending court cases kag criminal charges.
Samtang 19 ka mga partylists ang may kulang ukon wala sang impormasyon may kaangtanan sa ila nga ginarepresentar nga sektor kag wala sa social media.
Sandig pa sa Kontra Daya,44 sa mga partylist groups ang kontrolado sang political clans, 21 ang uyat sang mga korporasyon, 34 ka mga partylist ang makaduluda ang advokasiya kag representasyon, 32 ang may koneksyon sa gobyerno kag militar 26 nga partylist groups ang may nominees nga incumbent local officials samtang 19 ka mga partylist ang may pending court cases o criminal charges.
Ginakabalk-an naman nga sa tion nga magapadayon ini, mahimo nga intrahan ini sang isa ka opsiyal agud nga maistablishar ang iya nga koneksyon sa sulod sang kamara de representantes
Kun madumduman , tuig 1995 sang ginpasa ang Republic Act 7941 o Party-list System Act, sa diin hatagan sang 20% sang pwesto sa Kamara ang mga “marginalized and underrepresented sectors.”.
