Naaresto sang mga otoridad ang isa ka 70-anyos nga lalaki nga ginakabig No. 8 Regional Most Wanted Person sa ginpatigayon nga operasyon sang President Roxas Municipal Police Station.
Ginkilala ni Police Major Jun Jinete Napat, hepe sang nasambit sang President Roxas PNP ang nadakpan nga suspek nga si alyas Totin, may asawa, kag residente sang Kayaga Kabakan,Cotabato.
Gin-aresto si Totin sandig sa warrant of arrest nga gin-isyu ni Hon. Arvin Sadiri B. Balagot, presiding judge sang Regional Trial Court branch 17, Kidapawan City sang February 28, 2024, para sa kaso nga double murder kag attempted murder.
Samtang, wala naman sang ginpahamtang ang korte nga piyansa sa ginapangatubang nga kaso sang nadakpan nga inidibidwal.
Ang arresting team ang ginalakipan sang mga operatiba sang President Roxas MPS (Lead unit), 1203rd Maneuver Company sang Regional Mobile Force Battalion 12, Regional Intelligence Division 12, Regional Special Operation Group 12, kag Provincial Intelligence Unit-Cotabato Police Provincial Office.
