KORONADAL CITY – Ginakabalak-an nga makakas sa serbisyo ang pito ka mga traffic law enforcers sang Land Transporation Office (LTO) Region-12 bangud sa pagpangotong.
Suno kay LTO-12 Regional Director Macario Gonzaga, tinutuyo sang mga ini nga mahatagan sang ligwa ang imbestigasyon sa ila nga kaso matapos ginreklamo sang pagpangotong.
Apang, nagpamalibad anay ang director nga hingadlan ang mga ini.
Paathag pa sang opisyal nga sa baylo nga hatagan sang temporary operators permit (TOP), nagbaton sang bayad gikan sa mga nahuling traffic violators ang mga nasabing traffic enforcers.
Nahibulan nga nakaangkon sang discrepancy sa report nga ginsumiter sa ila nga talatapan.
Kaangot sini, nagpaadam naman si Gonzaga sa mga empleyado sang LTO-12 nga involbado sa mga kasubong nga aktibidad nga indi sila pag-kunsintihon sang ahensiya.
