KORONADAL CITY – Padayon nga nagapaayo ang pito ka tawo makaligad maulamid sa nagluntad nga aksidente sa bahin sang Makilala, North Cotabato.
Kalakip suno pa sa mga biktima isa ka menor de edad.
Nagluntad ang aksidente sa bahin sang Brgy Poblacion sa nasambit nga banwa kun sa diin suno sa Makilala PNP, nagbunggoanay ang itom nga Toyota kag Nissan Navarra sa kurbada sang nasambit nga lugar.
Nagaguwa nga nabunggoan sang Navara nga ginamaneho ni Ruel Serrano nga residente sang Kidapawan City ang Toyota pick-up truck.
Gilayon nga gindangat sa ospital kag nagapaayo na ang mga pilason nga biktima nga ginkilala nga sanday Mojahid Magayan, isa ka empleyado sang gobyerno nga amo naman ang driver sang Toyota pickup; kag mga pasahero sini nga sanday Anisa Magayan; Nassiba Botawan; Noriama Sarip, Rainida Gapor kag isa ka menor de edad, lunsay mga Brgy. Poblacion, Pikit, North Cotabato.
Padayon nga ginaimbestigaran sang Makilala PNP ang nasambit nga aksidente.
