Naglab-ot sa pito ang napatay sa pag-arado sang isa ka 10-wheleer truck nga may karga nga sinako nga abono sa pila ka salakyan kag panimalay sa national highway sakop sang Barangay Malasila, Makilala, Cotabato pasado alas-8 kaina sang aga, Disyembre 5, 2024.
Ini ginkumpirma ni PLTCOL Rolly Oranza, hepe sang Makilala PNP sa interview sang Bombo Radyo Koronadal.
Suno kay Oranza, ang nasambit nga 10-wheeler truck ang naghalin sa Toril, Davao City pakadto kuntani sa Kidapawan City apang nadulaan sang brake pag-abot sa nasambit nga lugar kag bangud nadulaan sang kontrol ang driver, gin-arado sini ang pila ka indibidwal malapit sa Malasila Elementary School, lakip man ang fish car, tricycle, mga motorsiklo, mga panimalay kag isa ka boarding house.
Ginkumpirmar man ni Oranza nga may yara sang 7 katawo ang kumpirmado nga dead on the spot lakip diri ang drayber sang 10-wheeler truck kag ang isa ka kinder garten pupil.
Sa karon, gingamitan na sang heavy equipment ang truck agud nga ma-clear sa dalan kag malantaw kun may mga indibidwal pa nga sakay sang tricycle nga napintalan sang truck sa nagluntad nga aksidente.
Nagapadayon man ang imbestigasyon sang mga otoridad sa aksidente kag ang identity sang mga napatay.
Gilayon naman nga ginsuspender sang alkalde sang Makilala ang klase sa mga buluthuan nga lugar matapos nga madalahig ang isa ka estudyante.
