KORONADAL CITY- Nagalab-ot sa masobra P7.5 million nga balor sang ilegal nga droga ang ginguba sang Philippine Drug Enforcement Agency XII.
Suno kay PDEA 12 Regional Director Naravy Duquiatan, magluwas sa mga droga, kalakip sa mga ginguba sang mga katapo sang anti-drug group ang mga expired nga mga bulong.
Base sa impormasyon, ginguba ang masobra 900 pakete sang ginapatihan nga shabu, 15 pakete sang dried marijuana seeds kag mga drug paraphernalia.
Gin-ako sang opisyal nga ini na ang pinakadako nga bulto sang droga nga ila ginguba.
Nahibaloan nga ginhatag sang 16 regional trial courts sa PDEA ang nasambit nga mga droga.
Ginpamatud-an man ni Duquiatan nga wala gina-recycle sang mga otoridad ang nasambit nga mga produkto kag kontrahon ang nasambit nga mga kabalaka.
