KORONADAL CITY- Nagapadayon sa gihapon ang paglagas sang militar sang mga nabilin pa nga mga miyembro sang ISIS-Inspired Toraif Group sa ginapatigayon nga military operation sa Sitio Kabasalan, Brgy, Darampua, Sultan sa Barongis.
Suno sa 6th Infantry Division Philippine Army nga sa pakigbuligay sang Moro Islamic Liberation Front (MILF) kag mga sibilyan sa militar natumod ang ginakutaan sang Daesh Inspired Toraife Group sa idalum sang pagpamuno sang isa ka Salahudin Hassan alyas Orak.
Sa nasambit nga operasyon naglunsar sang airstrikes ang Joint Task Force Central (JTF Central) kun sa diin nakapagkit sang casualties sa bahin sang bandido kag nakilala ang mga napatay nga rebelde nga sanday alyas Abdullah nga isa ka sub-commander sang rebeldeng grupo, isa ka Rasul, Bayan, Hamdan, Abubakar, Tima kag isa ka Hairiya.
Nakapagkit man nga wala pa nadeterminar ang numero sang mga pilason makaligad ang mortar kag artillery fires.
Nahibaluan nga ang nasambit nga grupo ang yara sa likod sang paghimo sang Improvised Explosive Devices kag IED attacks sa Maguindanao kag mga kalapit nga lugar.
