KORONADAL CITY- Naglab-ot sa 5,000 residente sang Koronadal City ang apektado subong sang tuman nga pagbaha sa syudad nga nagdugay sang masobra 6 ka oras humalin sang kaagahon.
Sa interbyu sang Bombo Radyo Koronadal kay Koronadal City Administrator kag City Disaster Risk Reduction and Management Officer Cyrus Jose Urbano, pinakaapektado sa pagbaha amuh ang Brgy. Zone 1, Zone 2, Zone 3, Brgy. GPS, Brgy. Morales mangin man ang National Highway sang syudad.
Nahibaluan nga ginsulod sang pagbaha ang kabalayan nga lampas tuhod samtang naguba naman ang 7 ka mga puluy-an sa Brgy. Morales kun sa diin ginpabakwit ang mga nabilin nga pamilya samtang may mga napagkit nga landslide sa Bulol Mala nga isa ka mataas na area sa Koronadal.
Sa karon nagapadayon pa ang clearing operation sa syudad kag magal-umpon pa ang paniempo kag possible magbubo pa ang ulan.
