KORONADAL CITY – Kasamtangan nga naka-quarantine subong si South Cotabato Governo Reynaldo Tamayo Jr. makaligad nagpositibo ang iya 7 anyos nga bata sa covid-19 virus.
Base sa iya social media account, nga bilang amay pagaupdan sini sa isolation facility ang iya bata sa sulod sang 14 adlaw tubtob sa tigayon ini nga mag-ayo.
Samtang nagguwa naman nga negatibo ang resulta sa ginpatigayon nga swab test sa iya kag iya asawa halin sa nasambit nga balatian.
Nagapatigayon na subong sang contact tracing ang mga health officials agud matumod ang mga posible nga nakasulapo sang iya bata agud malikawan ang paglapta sang covid-19 virus.
Nahibaloan nga bangud sa natabo, wala nadayon ang State of the Provincial Address (SOPA) ni Gov. Tamayo.
Sa pihak nga bahin, temporaryo nga ginsirado sang Tupi LGU sa pagdumala sang pakaisa sini nga si Mayor Romeo Tamayo ang mga Christmas decorations sa ila municipal hall makaligad nakapagkit sang 10 nga panibag-o nga kaso ang banwa.
Nahibaloan nga nagsaka na sa kapin 5,000 ang napagkt nga kaso sa rehiyon kun sa diin 978 diri ang halin sa South Cotabato.
