Isa ka 7- anyos nga bata nga babayi ang napatay matapos malummos sa isa ka kanal sa Barangay Poblacion, Tupi pasado alas-2:00 sang hapon subong nga adlaw, Mayo 28, 2025.
Ginkilala ni Tupi MDRRM Officer Emil Sumagaysay ang biktima nga si alyas “Ly” nga amo residente sang Purok 11-A sa nasambit nga barangay.
Sunod kay Sumagaysay, posible nga nahulog ang bata sa kanal samtang nagaligo sa ulan kag gin-anod sang mabaskog nga agos sang tubig.
Nakit-an ang lawas sang bata sa Purok 14, malapit sa isa ka kilometro ang distansya humalin sa lugar sang insidente, pagkatapos sang halos 20 minutos nga pagpangita.
Dugang pa nga mag isahanon nga nagaligo ang biktima
Panawagan ni Sumagaysay sa mga ginikanan nga bantayan gid ang ila mga kabataan agud malikawan ang pareho nga insidente.
