KORONADAL CITY – Nakigbahin sa ginpatigayon nga tree planting activity ang mga atleta gikan sa nagkalain-lain nga kag siyudad sa Rehiyon 12 nga partisipante sang ipatigayon nga Soccksargen Regional Athletic Association Meet (SRAA) 2018.
Sa interbyu sang Bombo Radyo Koronadal kay DepED-12 Sports Coordinator Jojo Duhilag, ang nasambit nga aktibidad ang ginpatigayon antes ang pormal nga pagbukas sang SRAA Meet buwas, Pebrero 17, kun diin host ang probinsiya sang South Cotabato.
Kaupod sa nasambit nga aktibidad ang mga opisyal sang DEPED 12 kun diin nagpanguna sa ila nga gintanuman sang mga puno ang mga lugar nga ginakabig flash flood kag landslide prone areas sa probinsiya.
Ang pagtanum sang puno ang makabig man nga mga atleta nga pinasahe nga pag-welcome sa ila.
Suno gani kay Pedro Cabatania, tournament manager sang delegasyon sang North Cotabato, sila ang nagtanum sa mga lugar sa banwa sang Banga nga malapit sa suba.
Samtang, ginalauman naman ang pag-abot buwas ni DepED-12 Secretary Leonor Briones sa pormal nga pagbukas sang SRAA 2018 kun diin masobra 6mil ang mga atleta nga magatambong.
