Preparado na sa subong ang pamunuan sang 6ID Philippine Army nga magpatuman sang naga kaangay nga security measures labi na sa bug-os nga kapaskwahan kag pag sug-alaw sang bag-ong tuig.
Ini ang nangin pahayag ni LtCol. Roden Orbon- Spokesperson sang 6ID PA kag Joint Task force Central sa interview sang Bombo Radyo Koronadal.
Suno sa iya, wala sang untat ang ila nga pamunuan kag pwersa sa pagbantay sa seguridad sang bug-os nga residente sang South Central Mindanao agud mangin malinong kag matawhay ang selebrasyon kag mga tawo nga ara sa mga areas of concerns sang mga otoridad.
Maga depensa man ang ila nga hubon sa mga residente batok sa anu man nga mga kalakasan kag mga untoward incidents labi pa nga ginaluaman nga mangin madamo ang kahiwatan sa nagkalain-lain nga lugar.
Naga pangabay man ang mga otoridad kag ila nga pamunuan sang kooperasyon sa tanan nga mga residente agud mangin nga madasig ang pagresponder sang mga otoridad kun kinahangan man ang mga ini.
