Ginatinguhaan sang 6ID Phil. Army nga magpatunga agud indi na maliwat pa ang engkwentro sa tunga sang Dawlah Islamiya kag MILF matapos nga napatay sang mga miyembro sang Moro Islamic Liberation Front ang siyam nga mga terorista nga Dawlah Islamiya sa isa ka engkwentro sa Barangay Dalgan sa Pagalungan, Maguindanao del Sur.
Sa interbyu sang Bombo Radyo Koronadal kay LtCol. Dennis Almorato, ang Spokesperson sang 6ID, Phil. Army, ginpahayag sini nga walo sa mga katapo naman sang MILF ang napatay sa nasambit nga insidente.
Ginlusob suno pa sang mga katapo sang MILF nga ginpangunahan sang isa ka miyembro sang Bangsamoro parliament, si Akmad Abas, leader sang Eastern Mindanao Group sang nasambit nga grupo.
Suno kay Almorato, naglab ot na sa ila nga siyam ka mga Dawlah Islamiya ang napatay nga grupo ni Abas sang lusubon nila ang ilang lugar sa Dalgan nga may mga gina istoryahan sang mga terorista nga una nga gintira sang mga 155 Howitzer cannons sang isa ka Army artillery unit sang Biyernes agud hibaluon kung yara pa sa lugar ang mga terorista nga target sang nasambit nga artillery attack.
Ginpalupkan sang mga Dawlah Islamiya terrorists ang grupo nila Abas amo nga nagka-engkwentro nga nagresulta sa pagkamatay sang siyam nga terorista kag walo ka mga miyembro sang MILF- Lima ka mga MILF ang napilasan sa nasmbit nga kinagamo.
Ginpasiguro naman sang opisyal nga luwas ang mga sibilyan sa depensa man nga ginahimo sang mga militar batok sa anu man nga kahimuan sang mga terrorista nga Daulah Islamiyah.
