3 ka missing Delivery Riders, ginasuspetsahan nga amo ang mga bangkay nga nahukay sa bahin Maguindanao Sur

Ginapatihan nga ang tatlo (3) ka delivery riders nga nadula pa sang Mayo 11, 2025 amo ang mga patay nga lawas nga natukiban sa bahin sang Sharif Saiduna Mustapha, Maguindanao Sur kahapon sang hapon, Mayo 30, 2025.

Suno sa ulat, may residente nga nagsugid sa kapulisan nga may ginabatyag nga kabaho sa lugar, rason nga ginhukay ini sang mga otoridad. Didto natukiban ang tatlo ka patay nga lawas nga naagnas na kag wala pa sang nakilal-an.

Gilayon nga gindala sang mga otoridad ang mga bangkay sa Ronex Funeral Home sa Barangay Kauran, Ampatuan, Maguindanao Sur para sa mas madalum nga imbestigasyon.

Padayon pa subong ang ginahimo nga imbestigasyon sang kapulisan para makilala ang mga biktima kag matukiban kun ano ang matuod-tuod nga natabo sa ila.