KORONADAL CITY – Naglab-ot na sa 3 ang napagkit nga patay sa nagluntad nga pagkahulog sang isa ka pampasahero nga jeep sa Kalamansig, Sultan Kudarat.
Ini ang ginpahayag ni Police Major Patrick Urbano Elmaon hepe sang Kalamansig PNP sa interbyu sang Bombo Radyo Koronadal.
Suno kay Elmaon, 2 ang una na napagkit nga dead on the spot nga sanday Jamil Ampatuan Guiampaca, 20 anyos kag Naif Pagadatan Etto 7 anyos nga mga residente sang Brgy Poblacion, Cotabato City apang sa ginbawian man sang kabuhi ang isa ka biktima nga gindangat sa Cotabato City Medical Center nga si Jeson Tanyamo Manisi, 16-anyos.
Samtang, lunsay nakagwa na sa ospital ang 11 nga napagkit nga pilason nga sanday Nasrudin Usop Rajamuda, 17, Jehan Salik Kusain, 17, Henry Sandang Abdul, 15, Jojo Guiampaca Gandawali, 19, Olsen Balbaran, Wahida Usop Rajamuda, Alan Guiampaca, 41, Datumanot Usop Rajamuda, 17, Gina Gandawali Manise, 14, Faisal Guiampaca Esmael kag Alicia Gandawali, 18-anyos.
Ginpahayag man sini nga lunsay magkapamilya kag estudyante ang mga biktima nga magapadulong kuntani sa Brgy Paril partikulamente sa Balot Island sang magluntad ang insidente.
Nahibaluan nga nadulaan sang kontrol sa break ang driver nga si Sammy Sedik Alimao sa bahin sang Sitio Babangcao kag dulhugon kag pakurbada ang dalanon.
Overloaded man suno pa ang salakyan.
Sa karon, preso na sa Kalamansig PNP ang driver sang nasambit nga jeep.
