Tigayon na nga nadakpan ang mga suspek sa nagluntad nga pagpangluthang sa isa ka persona sa Brgy Cabuling, Banga, South Cotabato.
Ini ang ginkumpirmar ni Pol Major Joseph Forro, hepe sang Banga PNP sa esklusibo nga interbyu sang Bombo Radyo Koronadal.
Suno kay Forro, ang mga suspek ang ginkilala kay Joel Mapalad, driver sang motorsiklo, Richard Tampalan, ang gunman kag ang nagsugo suno pa nga si Danilo Layang Blano, isa ka Brgy Kagawad sa Brgy Upper Makulan, Tboli South Cotabato.
Una suno pa nga natikma si Mapalad kag diri na sini gintu-ad ang kaupdanay sini sa nasambit nga krimen.
Yara naman sa P5,000 ang napagkit nga ginbayad ni Blano sa gunman agud nga tiruhon ang biktima nga si Elmo Ancino Yago, 50-anyos kag residente sang Brgy San Jose, Banga, South Cotabato.
Sa imbestigasyon sang mga otoridad, gina-alegar ginlumay suno pa sang biktima ang bata ni Kagawad Blano rason nga nahimo sini ang krimen ilabi na nga may pamilya man suno pa ang bata sini.
Sa karon, ginpasakaan na sang kaso nga frustrated murder ang nasambit nga mga suspek.
