CHINA – Nasolbar na ang madugay na nga kalbaryo sang isa ka Chinese nga lalaki sa iya alatrasan makaligad narekober sa sini nga parte sang lawas ang pila sa mga dagom nga yara sa sulod sang nasambit nga bahin sang lawas.
Suno kay alyas Chen, ginaantos na niya sa sulod sang isa ka dekada ang daw ginatuslok nga pamatyagan sa iya alatrasan apang wala siya sang tion nga magpasekyar sa doktor.
Masami suno pa sini ginareklamo ang kasakit kun nagadalagan siya.
Sang nakaangkon siya sang dayoff halin sa iya nga obra, nagpakonsulta siya sa doktor agud mahibaloan ang kabangdanan sang kasakit sa iya alatrasan.
Apang tuman ang kakibot sang duha sang makit-an ang walo ka 8 embroidery needles nga yara sa sulod sang iya alatrasan.
Suno sa 55 anyos nga lalaki, posible nga nakuha niya ang nasambit nga mga dagom sang nahulog siya sa basurahan nga may kalakip nga mga salsalon, rason nga nagsulod didto ang nasambit nga mga butang.
Naglab-ot naman sa 4 ka oras ang operasyon antes tigayon nga nakakas ang tanan nga mga dagom.
