Nagsaka na sa 67 katawo ang napatay, 31 ang mga pilason, kag yara sa 11 ang missing sa pagpanalasa sang malapnagon nga baha kag landslide sa tatlo ka mga banwa sa Maguindanao del Norte. Kaangot sini nagdugang pa sang pwersa ang 6th Infantry (Kampilan) Division Philippine Army nga nagabulig sa rescue, search kag retrieval operation sa mga probinsiya sang Maguindanao del Norte, Cotabato City kag North Cotabato nga lubos nga gindalasa sang bagyo nga paeng.
Suno sa mga residente nga nakaluwas, hinali lamang nga natiphag ang bukid kag nagragasa pa ang baha rason nga madamo ang napatay.
Suno gani kay Rapid Emergency Action on Disaster Incident (READI) Bangsamoro Autonomous Region in Muslim Mindanao (BARMM) head Atty. Naguib Sinarimbo.
Ang mga napatay ang nagikan sa mga banwa sang Datu Blah Sinsuat, Upi kag Datu Odin Sinsuat.
Kadam-an sa mga napatay ang natabunan sang natiphag nga duta.
Una na nga gin-ako sa Bombo Radyo ni Atty Sinarimbo nga nagapati siya nga madugangan pa ang numero sang mga napatay bangud may mga mga barangay nga wala pa nasulod sang sang READI-BARMM rescue unit lakip na diri ang mga missing.
Dugang pa ni nga onse (11) ka munisipyo ang apektado lakip na ang siyudad sang Cotabato kun diin 90 porsiyento sang mga barangay sa siyudad ang lubog sa tubig baha.
Ang mga munisipyo naman na apektado sang flash flood ang ginalakipan sang Sultan Kudarat, Sultan Mastura, Parang, Cotabato, Datu Odin Sinsuat, Datu Blah Sinsuat, Upi, South Upi, Northern Kabuntalan, Guinulungan kag Matanog.
Dugang pa sang opisyal, kalakip sa nagakinahanglan sang search and retrieval operations amo ang Barangay Kusiong nga maga-shoutout suno pa “na-wash out” ukon natabunan sang tubig baha.
Ang Barangay Kusiong ang nahamtang sa bahin sang Mount Minandar.
Sa subong nagapadayon ang search and retrieval operation sang READI-BARMM kaupod ang Municipal Disaster Risk Reduction and Management Office (MDRRMO) sang tagsa ka banwa kaupod ang militar kapulisan sa mga lugar nga ginbaha.
