KORONADAL CITY – Super proud ang isa ka ALS Teacher nga ipakigbahin sa Bombo Radyo Koronadal ang paggradwar sang iya nga iloy nga iya man nga nangin estudyante.
Sa interbyu sang Bombo Radyo Koronadal kay Wilfred Branarios Malinog, ALS Teacher, tuman siya nga nalipay bangud talagsa lamang ang istorya nga ini nga kung sa diin siya ang nangin manunudlo sang iya nga iloy.
Suno sa iya, indi nangin upang ang edad sang iya nga iloy nga 67 anyos na kag maka gradwar sa pag-eskwela.
Ginpakigbahin sini nga elementary graduate lamang ang iya mga ginikanan kag nagtinguha ang mga ini agud sila man ang makagradwar sa ila nga pag-eskwela.
Sa karon, isa ini ka “pay-back” para sa iya nga iloy nga ibalik ang tanan nga kahago, kag mapalipay man ang ila nga kaugalingon pinaagi sa pagbaton sang diploma.
Gindugang sini, nga sa karon ang ila nga istorya ang nangin inspirasyon na sa tanan bangud indi upang ang edad agud nga makaangkon sang edukasyon kasubong sang iya nga iloy
