KORONADAL CITY- Ginadagsa sa gihapon sang mga pumuluyo sang South Central Mindanao ang nagapadayon nga Dugong Bombo 2018 sang Bombo Radyo sa syudad sang Koronadal mangin man sa Tacurong City, Sultan Kudarat.
Nahibaluan nga sa syudad sang Tacurong kalakip sa mga nagdonar sang dugo amuh ang tropa sang militar pila sa mga doktor, bombero kag PNP.
Samtang sa syudad sang Koronadal, agawa atensyon naman ang utod ni Defense Secretary Delfin Lorenzana nga si Lolita Lorenzana, 65 anyos nga taga Brgy. Derilon, Banga South Cotabato sa pagdonar sini sang iya nga dugo.
Suno kay Lorenzana, naganyat ini nga magdonar sang dugo makaligad mabatian sa radyo ang Dugong Bombo 2018 kag nahuna-hunaan sini nga dako ang mabulig sini sa mga kasimanwa.
Nahibaluan nga kalakip si Lorenzana sa mga successful blood donors kun sa diin suportado sini ang Dugong Bombo 2018 sang Bombo Radyo Philippines nga may tinutuyo nga makabulig sa mga nagapanginahanglan agud mapun-an ang kakulangon sa suplay sang dugo sa South Central Mindanao.
Kaangot sini, indi lamang sa mga may balatian ang sarang mangin benepisyaryo sang Dugong Bombo apang mangin man sa mga biktima sang man-made disasters.
