Patay ang isa ka 60-anyos senior citizen matapos nalatayan ini sang isa ka pison sa Highway sang Barangay Cuyapo. Tantangan, South Cotabato. Subong nga adlaw sang Sabado, Nobyembre 6, 2025.
Ginkilala ang biktima sa kay alyas Inday 60 anyos, residente sa nasambit nga barangay kag ginkilala naman ang driver sang pison nga kay alyas Loyd , 26 anyos kag taga banwa sang Banga, South Cotabato.
Base sa bayaw sang biktima nga ginkilala kay Carlos Nono, ginpahayag sini nga halin sa simbahan ang biktima apang nagbalik ini kay na bilin sini ang iya nga cellphone sa iya nga balay.
Dugang pa kay Nono, pag abot sa highway sang bikitma nga kuntani mag tabok ini apang didto na natabo ang aksidente kung sa diin na naiptan ini kag nalatayan sang pison sang maka duha ka beses. Mahibaluan nga may gina kay-o nga bahin sang dalan sa nasambit nga barangay kung sa diin natabo ang aksidente.
Sa karon ang patay nga lawas sang biktima yara na sa St.Peter sa syudad sang Tacurong kag ang suspek yara sa na sa kustodiya sang Tantangan MPS para sa imbestigasyon.
