Ginkumpirmar sang Ministry of Interior sa Qatar nga anum ka mga indibidwal ang napatay matapos magtibusok ang isa ka helicopter sa territorial waters sang Qatar.
Suno sa mga awtoridad, anum sa pito ka sakay sang helicopter ang narekober nga wala na sang kabuhi sang search and rescue team, samtang nagapadayon ang operasyon angot sa isa pa ka indibdiwal nga ginapangita.
Nauna nang ginpahayag sang Ministry of Defense sa Qatar nga posible nga nagkaroon sang teknikal nga aberya ang helicopter kag ginpaathag nga wala sang indikasyon sang pag-atake, kag indi pa sigurado kun ang nagtibusok nga aircraft amo ang sa militar ukon pribado nga salakyan.
Ini ang kapinaka-una nga aviation-related nga insidente sa Qatar sa tunga sang nagapadayon nga kinagamon sa Middle East.
Padayon ang imbestigasyon sa insidente samtang ginahulat ang dugang nga detalye halin sa mga awtoridad.
