KORONADAL CITY- Padayon ang paglagas sang gintingob nga pwersa sang 27th Infantry Battalion kag 33rd Infantry Battalion Philippine Army sa mga myembro sang New People’s Army makaligad mag-ibwal ang panibag-o nga kinagamo sa Sitio Selteks, Brgy. Ned Lake Sebu South Cotabato nga boundary lang sang probinsya sang Sultan Kudarat kag Saranggani Province.
Sa ekslusibo nga interbyu sang Bombo Radyo Koronadal kay 2nd Lt. Col Ranjan Palacio, tagpamaba sang 27th IB nga grupo ni Ka Yoyo Braganza halin sa Platoon Arabo ang ila naka-engkwentro samtang nagapatigayon sang clearing operation kun sa diin 2 ang casualties bahin sang militar at 4 naman ang patay nga ginasiling nga mga miyembro sang NPA.
Sa pihak nga bahin, nagpamalibad anay nga hingadlan sang militar ang mga napatay.
Samtang kaangot sini, gina-imbestigaran sa subong ang impormasyon nga indi suno pa mga myembro sang NPA ang 4 sa mga napatay kag sa baylo isa ka pamilya nga lumad suno pa ini nga ginakabug-san sang isa ka Datu Victor kag ang iya mga bata nga sanday Tantan Jr kag Artemio kag umagad sini nga si Dodoy.
Suno sa ginpalab-ot nga impormasyon sa Bombo Radyo Koronadal, ginbombahan suno pa sang militar ang puluy-an sang mga lumad kun sa diin nagapanago si Kumander Yoyo.
Samtang sa subong wala pa sang pahayag ang bahin sang militar angot sa mga lumad nga napatay suno pa sa engkwentro.
