Nagsaka sa anum ang nabalhag nga napatay kag duha ang nagapabilin nga missing matapos ang paglaslas sang Tropical Cyclone Ferdie nga may international name Bebinca kag ang nagkusog nga Habagat.
Sandig sa report sang National Disaster Rirsk Reduction and Management Council (NDRRMC), apat sa napatay ang nagikan sa Bangsamoro Autonomous Region in Muslim Mindanao (BARMM) kag duha naman sa Zamboanga Peninsula.
Samtang ang duha ka missing ang nagikan sa Zamboanga Peninsula kag Western Visayas.
203,197 ka tawo sa kabug-usan ukon 47,166 ka pamilya sa 292 ka mga barangay ang naapektuhan sang amo nga kalamidad.
Bangud man sa bagyo Ferdie kag Habagat, 12 ka mga balay ang naguba kag 85 ang partially damaged.
Gilayon nagpadala sang bulig ang nagkalain-lain nga ahensiya sang gobyerno sa mga apektado nga lugar suno pa sa NDRRMC.
