KORONADAL CITY – Ginkanselar na sang pungsod Singapore ang working permits nga nagikan sa pungsod China.
Ginhimo ang nasambit nga tikang agud malikawna ang paglapta sang novel-coronavirus kadungan sa pagbatak sa orange level alert base sa DORSCON (Disease Outbreak Response System Condition).
Apang ginpaathag ni Bombo international correspondent Marjorie Estoque, indi naman kalakip diri ang mga working permits halin sa Singapore.
Magluwas diri, ginpakigbahin man sang Ministry of Health nga isa sa 33 nga kumpirmado nga kaso sang novel-coronavirus amo ang isa ka anum ka bulan nga lapsag kag isa ka Indonesian nga kabulig.
Magluwas sa mga ini, nalatnan man suno pa ang mga Chinese tourists kun sa diin carrier suno pa ang ila Singaporean tour guide nga nagbisita sa hotel nga iya ginaobrahan kag makaligad sini nagbisita naman sa isa ka kalan-an nga posible nga nalatnan sang nasambit nga balatian.
Apang ginpasiguro sini nga may ginahimo nga interventions ang gobyerno didto kun sa diin nagakadto ang mga opisyales agud magpanagtag sang 3M facemask bilang proteksyon sa virus.
