KORONADAL CITY – Nagasinggitan sa subong sang hustisya ang pamilya sang anom katuig nga bata nga babaye nga ginapatihan nga ginlugos anay antes ginpatay makaligad nga masapwan sa gilid sang sapa sa Barangay Bambad, Isulan, Sultan Kudarat.
Sa ekslusibo nga interbyu sang Bombo Radyo Koronadal kay alyas Efren, amay sag biktima, kagab-i sang martes pa nadula ang bata sini apang pasado alas-8 na kahapon sang aga nasapwan ang wala na kabuhi niya nga bata.
Suno kay Efren, nakapanaog na ang maong short kag underwear sang biktima sang masapwan ini.
Ginpanaysayon man sini nga nagbisita sila sa ila nga himata sa Purok Lupok, Brgy. Kolambog, Isulan, Sultan Kudarat agud magtambong sa isa ka pagtililipon apang pag abot sang gab-i ang indi na nila nakita pa ang biktima.
May yara na suno pa sang ginadudahan sa kun sin-o ang responsable sa krimen apang ila nalamang ipasalig sa mga otoridad.
Sa subong, ginpaidalom na sa autopsy ang bangkay sang biktima samtang nagapadayon ang imbestigasyon sang mga otoridad.
