PIKIT, NORTH COTABATO– Nakapreso na karon ang 6 sa mga indibidwal makaligad maarestar sa joint military kag police operation nga ginpatigayon sa banwa sang Pikit, North Cotabato.
Nahibaluan nga ginpatigayon ang operasyon sang Joint Task Force Central sang 7th IB kag North Cotabato Provincial Field Unit sang CIDG-12 batuk sa mga suspek sa Brgy. Inug-ug, Pikit, NoCot.
Ang nasambit na mga suspek ang gina angot sa gun-for-hire, carnapping kag extortion activities sa nasambit nag banwa kag mga kalapit nga lugar nga ginakabug-usan nanday Toti Panares, 34 anyos, Ibrahim Guianmalan, 33 anyos, Jonathan Batunga, 18 anyos, Ibrahim Katogan, 20 anyos, Bohari Katogan, 20 anyos, Kus Minga, 59 anyos nga mga residente sang nasambit nga banwa kag miyembro man suno pa sang armd lawless group.
Narekober sa posisyon sang mga ini ang 2 M16 rifles, M1 Garand rifle, 1 homemade caliber 30 rifle, 2 M19 pistols, hand grenade, kutsilyo, assorted magazines kag mga bala.
Sa karon yara sa kustodiya na ang mga ini sang North Cotabato PNP kag nakatalana nga pasakaan sang nagakaigo nga mga kaso.
