150 tubtob 200 metros ang natiphag nga porsyon sang national highway bangud sa ngaluntad nga landslide sa Sitio El Dulog, Barangay Ned, Lake Sebu, South Cotabato.
Ini ang nangin pahayag ni Rolly Doane Aquino – Provincial Disaster Risk Reduction and Management Officer sang South Cotabato.
Suno kay Aquino, ginpadul-ungan na sang provincial government agud chekyaron ang 6 ka mga pamilya nga apektado sang landslide.
Ginpahayag ni Aquino nga indi na maagyan ang dalan sang bisan ano nga sahi sang vehicle kag gin-rekomendar ang re-routing ukon mag-agi sa iban nga ruta ukon dalan.
Samtang, gindugang pa niya nga ang mahimo lang sang lokal nga gobyerno sang South Cotabato amo ang siguraduhon ang kaluwasan kag seguridad sang mga pumuluyo bangud wala sila sang direkta nga gahum sa dalan bangud ini isa ka proyekto sang national government.
Bangud sini, ginpasiguro man ni Aquino nga ginhatagan na sang bulig ang mga pamilya nga apektado sang natiphag nga dalan.
