KORONADAL CITY- Nagapadayon sa subong ang imbestigasyon sa nagluntad nga food poisoning sa syudad sang Koronadal kun sa diin biktima ang 6 ka mga estudyante sang King’s College of Marbel makaligad ang gintambungan nga anniversary sang ila buluthuan kun sa diin may kinaon-kaon.
Suno kay Honeybee Buterbonia, nurse sang Kings College, nakabatyag sang tuman nga pagpalanakit sang tyan ang nasambit nga mga estudyante makaligad magkaon sang adobo nga manok kag ice cream.
Gilayon naman nga ginpadulong sa South Cotabato Provincial Hospital ang 2 sa mga ini samtang ang iban pa ang gindala sa iban pa nga pribado nga balay bululngan samtang ang isa nga nakabatyag sang pinakamalala nga pagpalanakit sang tyan ang gindangat sa syudad sang General Santos.
Sa subong ginahulat pa ang resulta sang ginpatigayon nga laboratory test samtang padayon pa ang mga ini nga nagapaayo.
