KORONADAL CITY – Nagapadayon ang damage assessment sang Bagumbayan LGU makaligad ang nagluntad nga landslide kag flashflood sa nasambit nga banwa sa probinsya sang Sultan Kudarat.
Suno kay Mayor Jonalette de Pedro sa interbyu sang Bombo Radyo Koronadal, anom ka mga barangay ang apektado sa nasambit nga mga kalamidad nga ginalakipan sang Bai Saripinang, Kinayaw, bahin sang Titulok, Poblacion, Kapaya, Daguma, kag bahin sang Sison kag Tuka.
Suno sa alkalde, padayon sa gihapon ang pagtumod nila sa kabug-osan nga damyos sa mga kabalayan kag mga pananom makaligad nagpanalasa ang tubig-baha nga naglab-ot tubtob sa tuhod ang kadalumon sini.
Sa subong maagyan na ang mga dalanon apang kinahanglan sa gihapon sang mga heavy equipment agud makakas na ang duta nga nakaupang sa mga motorista.
