KORONADAL CITY – Nagtuga sang panic sa pila ka residente sa syudad sang Koronadal ang nabatyagan nga pagtay-og sang 6.4 magnitude nga linog sa Mindanao pasado alas 3:10 kahapon sang hapon.
Suno kay Nanie Danlag sang Philippine Volcanology and Seismology Office PHIVOLCS Gensan, nag-igo ang linog sa Davao region kag eastern Mindanao kun sa diin tectonic ang origin sini kag sentro sini ang 27 kilometers east sang Manay, Davao Oriental.
Napagkit naman ang Intensity V sa Davao City; Mati City, Davao Oriental; Intensity IV sa Koronadal City; Bislig City; Intensity III – Tupi, South Cotabato; Alabel kag Malapatan, Sarangani; Intensity II – Cotabato City; Gen. Santos City.
Wala naman sang napagkit nga anuman nga dalagkuan nga damyos sa natabo nga linog apang padayon ang ginahimo nga assessment.
Makaligad ang linog, nakabatyag naman sang pila ka minuto nga brownout an syudad sang Koronadal.