KORONADAL CITY – Gintay-og sang 6.2magnitude nga linog ang pila ka bahin sang Mindanao alas-6:12 subong nga gab-i.
Sa interbyu sang Bombo Radyo Koronadal kay Nanie Danlag sang Philippine Institute of Volcanology and Seismology (Phivolcs) Gensan, ang sentro sang lindol ang natumod sa 92 kilometro Southeast sang Governor Generoso (Davao Oriental).
May kadalumon ini sang 76 kilometro kag tectonic in origin.
Samtang naeksperiensiyahan man ang Intensity IV sa mga banwa sang Alabel kag Kiamba sa Sarangani Province kag Koronadal City, South Cotabato, samtang Intensity III sa Kidapawan City; Intensity I sa Cagayan de Oro City kag Bislig City.
Nabatyagan man ang pagtag-og mangin sa Mati City kun diin nakapagkit sang Intensity V.
Sandig sa report, may pila ka mga establisiyemento sa General Santos City nga nagkaguba ang kisame bangud sa kabaskog sang linog.
Lauman naman suno pa ang mga after shocks sang linog.
