Apisar may pagduda sa kaugalingon, nagpadayon sa gihapon sa pag-eskwela ang 56 anyos nga estudyante agud matapos ang handum nga kurso.
Sa interview sang Bombo Radyo Koronadal kay Emerson Bravo – 56 years old Senior High School Graduate sang Holy Child Central Colleges Inc. Senior High School, iya ginpahayag nga apisar may mga pagduda siya sa kaugalingon nga nabatyagan bangud sa iya edad, nagpadayon siya sap ag-eskwela bangud handum niya nga makatapos sa iya kurso kag mapamatud-an nga wala sa edad ang pag-angkon sang edukasyon.
Suno kay Bravo, may mga tion nga ginpamangkot niya ang iya kaugalingon sa iya kapasidad, apang bangud sa suporta sang mga manunudlo kag abyan sa iya, nagpadayon siya kag isa na ka graduate sang senior high school subong.
Bangud sini, ginpanawagan man niya ang kasubong niya nga nagahandum makatapos sang pag-eskwela nga indi magkahuya bangud wala ginapili nga edad ang pagtuon kag edukasyon.
