KORONADAL CITY– Padayon nga ginabulong sa hospital ang duha ka mga suldado kag isa ka sibilyan nga napilasan matapos nga nagkaengkwentro ang militar ang wala pa natumod nga numero sang mga New People’s Army sa Sitio Tiwayan, Barangay Badiangon sa banwa sang Arakan, North Cotabato.
Sandig sa report sang Arakan PNP, nagapatigayon sang focused military operation ang tropa sang mga suldalo sa nasambit nga lugar sang nakaengkwentro sang mga rebelde nga nagdugay sang 25 ka minuto.
Ginkilala ang mga pilason nga suldado nga sanday Sgt. Jerome Sarayno kag Corporal William Agno samtang ginahibalo pa ang identity sang pilason nga sibilyan.
Naglab-ot naman sa 54 ka mga pamilya ang nagbakwit bangod sa kahadlok nga maopit sa engkwentro.
Samtang suno kay Lt. Col Benjie Dao-on commader sang 19th Infantry Battalion pag abot nila sa Sitio Anuling sa nasambit nga banwa sang gintambangan man sang mga rebelde nga grupo ang ambulansya nga ginasakyan sang mga pilason nga suldado nga dal-on na kun tane sa balay bululngan apang maswerte naman nga nakaluwas ang mga ini.
Sa subong nagapadayon pa ang clearing operation sa lugar kun sa diin nagluntad ang engkwentro.
