KORONADAL CITY – Nagapadayon ang imbestigasyon sang kapulisan sa nagluntad nga pagpangluthang sa isa ka 53-anyos nga mangunguma sa bahin sang Victory Homes, Guanzon Village, Barangay Morales, Koronadal City pasado alas-7 kagab-i, Hulyo 29, 2025.
Ginkilala ang biktima nga si Jerry Sisnorio, residente sang nasamnbit nga lugar.
Sa interview sang Bombo Radyo Koronadal kay Barangay Dimson Floro, gin-impormar sa iya nga may nagluntad nga gani ginpakadtuan sini sa mga BPATs kag nakumpirmar ang insidente.
Naguwa sa imbestigasyon nga natabo ang krimen samtang nagatindog ang biktima sa guwa sang iya nga kubo sang hinali nga gintiro sang suspek.
Suno naman kay Manong Mallare, isa ka BPATs nga nakita na lamang nila ang biktima nga naigo sang bala sa likod kag puno sang dugo.
Kag bangud nga mabudlay ang pagsulod sang ambulansiya sa ila puluy-an, nangita sila sang duyan kag ginbutang ang biktima tubtob nga mapanaog ini kag masakay sa nakaparking nga ambulansiya kag gilayon nga gindala sang iya pamilya sa South Cotabato Provincial Hospital para mahatagan sang nagakaigo nga bulong.
Sa pihak sang iya nga sitwasyon, nahimo pa sang suspek nahimo pa sang biktima nga ipahayag ang identity sang suspek nga ginkilala kay alyas “Moreto.”
Sa ulihi bangud na-identify na ang suspek, boluntaryo suno pa ini nga nagsurrender kag yara na subong sa kustodiya sang kapulisan.
