53-anyos nadakpan sa checkpoint nga may dala nga illegal drugs – PNP

Arestado ang isa ka lalaki matapos nga madakpan sang otoridad sa pagdala sang illegal nga droga samtang ginapaidalom sa PNP-checkpoint operation sa National Highway, Sitio Malabuaya. Brgy. Kayaga, Kabacan, Cotabato.

Ginkilala ni Police Major Maxim Valdez Peralta, Station Commander sang Kabacan Municipal Police Station, ang suspek nga si alyas “Papang”, 53-anyos kag residente sang Poblacion A, Mlang, Cotabato.

Ginpahayag ni PMaj Peralta, nakuha gikan sa suspek ang isa ka pakete sang ginapatihan nga shabu, isa ka coin purse kag isa ka unit sang motorsiklo.

Yara na sa kustodiya sang mga otoridad ang suspek kag natalana nga pasakaan sang kaso nga paglapas sa section 11 sang R.A. 9165 ukon Comprehensive Dangerous Drugs Act of 2022.