KORONADAL CITY – Naaresto sang kapulisan ang isa ka negosyante sa ginpatigayon nga buy-bust operation sa banwa sang Isulan, Sultan Kudarat.
Kinilala ni ni Police Lieutenant Julius R Malcontento, hepe sang Isulan Municipal Police Station ang naaresto nga suspek nga alyas “Nonoy Tolo”, 52 anyos, negosyante, may asawa kag residente sang
Purok Paraiso, Brgy.Kalawag 1, Isulan, Sultan Kudarat nito lamang Hunyo 26, 2024.
Ginakabig suno pa nga Street Level Individual(SLI) ang suspek nga nadakpan sa ginpatigayon nga anti-illegal drug operation sa pagpanguna sang Isulan Municipal Police Station-Intel Operatives MDEU kauod ang 1st SKPMFC.
Nakumpiska gikan sa suspek ang kabug-usan nga 3 ka bilog sang transparent plastic sachets nga may unod nga ginapatihan nga shabu kag Php500.00 Peso bill buy-bust money.
Magapangatubang sa kaso nga paglapas sa section 5 kag 11, Article II sang RA 9165 ukon ang Comprehensive Dangerous Drugs Act of 2002 ang suspek.
