LAKE SEBU, SOUTH COTABATO- Patay ang isa ka 52 anyos nga mangunguma matapos ini nga gin labo gamit ang lagaraw sang isa naman ka abyan sini nga mangunguma sa Purok Bukong, Sitio Biyawan, Brgy. Ned, Lake Sebu, South Cotabato, Kahapon nga adlaw sang Sabado, Enero 17, 2026.
Ginkilala ang biktima sa kay alyas Allan, 52 anyos, soltero, kag isa ka mangunguma. Samtang, ginkilala naman ang suspek sa kay alyas “Junel”, 39 anyos ang edad, kasado, kag residente sang nasambit nga barangay.
Base sa imbestigasyon, nagbinaisay ang duha sa diin nag abot sa punto nga gin tiro sang biktima gamit ang ginatawag nga “jolen” gun apang wala ini na-igo, gani ang suspek nagkuha sang matalum nga lagaraw kag gilayon ini nga ginlabo ang biktima.
Nakaangkon naman sang pilas bangud sa labo sa iya ulo kag wala nga dulunggan ang biktima nga nangin resulta sa iya kamatayon.
Gilayon naman nga gindala ang biktima sa Kibang Health Center apang gindeklarar ini nga dead on arrival.
Samtang ang suspek gindala naman sa SOCKSARGEN General Hospital para magpabulong bangud nga naka angkon man ini sang mga pilas sa iya bahin nga lawas.
Nagpatigayon naman ang Lake Sebu MPS sang hot pursuit operation agud nga madakpan ang suspek.
