KORONADAL CITY – Arestado ang isa ka street level individual matapos magpatigayon snag search warrant operation ang PNP sa Purok 27A, Sitio New Corella, Brgy Poblacion, Makilala, Cotabato sini nga adlaw sang Biyernes, Agosto 16, 2024.
Ginkilala ni Police Lieutenant Colonel John Miridel Calinga, hepe sang Makilala Municipal Police Station ang nadakpan nga na si alyas “Teri”, 51 anyos, may asawa, kag residente sang nasambit nga barangay.
Suno kay PLtCol. Calinga , nangin madinalag-on ang operasyon sang gintingob nga pwersa sang Makilala MPS-MDEU (leading unit), CPPO-PDEU, 1st CPMFC, RSOG 12 kag CPPO-PIU.
Nakuha sa suspek ang lima ka (5) transparent plastic sachet sang ginapatihan nga shabu nga may 1.1 gramo kag nagakantidad sang Php7,480.00.
Nagapagatubang ang suspek sa kaso nga paglapas sa RA 9165 ukon Comprehensive Dangerous Drugs Act of 2002.
