-- ADVERTISEMENT --
Nag-abot sa 500 ka tawo ang naaresto sang kapulisan sa Iran tungod sa alegasyon nga nagahatag sila sang impormasyon sa ila kaaway.
Suno kay Ahmadreza Radan, hepe sang Islamic Republic Police, ang tunga sang mga naaresto konektado sa seryoso nga mga insidente, lakip na ang paghatag sang impormasyon nga nagresulta sa pag-atake sa mga target.
Sa northwestern Iran, ginreport nga 20 ka tawo ang naaresto tungod sa paghatag sang lokasyon kag detalye sang military sa Israel.
Padayon nga ginatutukan sang mga otoridad kon paano nakalusot ang mga sensitibo nga impormasyon nga ginhatag sang mga naarestong indibidwal.
