500 ka tonelada sang tilapia apektado sang fish kill sa South Cotabato

KORONADAL CITY- Nagakabalaka subong ang mga fish farmers sa Lake Sebu , South Cotabato makaligad maapektuhan ang nilibo ka tilapia sa nasambit nga banwa.

Sa interbyu sang Bombo Radyo Koronadal kay Lake Sebu South Cotabato Mayor Antonio Fungan, yara sa masobra 500 na ka tonelada sang tilapia ang napatay sa ila nga banwa tuga sa pagbag-o sang paniempo.

Naga-angal naman ang mga fish cage operators bangud sa tuman nga pagkalugi kun sa diin temprano nila nga gina harvest ang mga tilapia kaysa indi mapuslan.

Nahibaluan nga ang tilapia amuh ang nagapanguna nga produkto sa nasambit nga banwa.