Hinuli ng Iran ang 500 katao dahil sa umano’y pagbibigay ng impormasyon sa Israel habang nagpapatuloy ang giyera sa rehiyon.
Ayon kay Police Chief Ahmadreza Radan, kalahati ng mga inaresto ay may kinalaman sa mga seryosong insidente, tulad ng pagbibigay ng lokasyon ng mga target, pagkuha ng footage ng mga lugar na tinamaan ng airstrikes, at pagpapadala ng mga ito sa Israel.
Inireport ng Tasnim News Agency na 20 tao ang inaresto dahil sa pagpapadala ng impormasyon tungkol sa mga military assets ng Iran sa Israel.
Sa hilagang-silangan ng Iran, inaresto ang 10 tao matapos kunin ang impormasyon hinggil sa mga sensitibong lokasyon ng military infrastructure. Sa Lorestan province naman, tatlong tao ang nahuli dahil sa pagsusulong ng kaguluhan.
Ipinahayag ng Revolutionary Guards’ intelligence na ginagamit ng Israel at U.S. ang mga “mercenaries at spies” upang magdulot ng kaguluhan sa rehiyon. Nagsimula na ang Israel sa pagtutok sa mga security checkpoints gamit ang impormasyon mula sa mga informant.
Bago ang mga pag-atake ng U.S. at Israel noong Enero, nagkaroon ng malawakang anti-government protests sa Iran na nagresulta sa libo-libo na casualties.
Inakusahan ng Iran ang Israel at U.S. bilang mga nagpasimula ng mga riot upang pabagsakin ang kanilang gobyerno.
